Feeds:
Bydraes
Kommentare

Archive for the ‘Nuus/News’ Category

Wrestling must be the oldest ( contact) sport .
It was a pillar of the antique olympics .
It was one of the nine sport represented in the modern games .
Then politics and money comes into the picture.
When the TV/Advert/sponsor says : ‘we want return on our money’ then it does not matter what makes a sport a sport.
For all they care hula hoop can be the next Olympic sport.
Maybe there is not enough doping in wrestling or other ‘news worthy’ things
The olympic comitee want to replace wrestling with sport I never even heard of ( wakeboarding,wushu)

http://www.thepilot.com/news/2013/feb/24/olympics-vote-dump-wrestling-should-be-overturned/
http://www.bloomberg.com/news/2013-02-21/wrestling-s-olympic-ouster-binds-russia-u-s-and-iran.html

Sign the petition …it just might help

http://www.change.org/wrestling

 

Read Full Post »

beeld/2012/10/12/

Stoeimat haar koninkryk Arisja Misselhorn
Leanco Stans (14) van Bethal is mooi genoeg om modelwerk te doen, maar sy is geen prikkelpoppie nie.
Hoewel sy van mooi klere hou, is haar stoeipak waarskynlik die uitrusting wat sy die meeste dra.
Op die stoeimat word haar lang hare in netjiese Franse vlegsels uit haar gesig gehou en is Leanco net op haar teenstander gefokus. Haar krag het al menige seun verbaas.
Dié gr. 9-leerling aan die Hoërskool Hoogenhout is een van die land se beste vrouestoeiers en sy het vanjaar die Afrika-kampioenskap in Madagaskar in haar gewigsafdeling gewen.
Leanco, of Lallie soos almal haar noem, het ook die afgelope naweek die titel as Suid-Afrikaanse kampioen ingepalm op die Suid-Afrikaanse jeug-vrystyl-kampioenskap.
Sy het hier met ouer meisies afgereken.
Leanco word eers in Desember 15, maar haar teenstanders is almal geoefende tieners van twee of drie jaar ouer as sy.
“Tans is daar nog net drie ouderdomsgroepe vir meisies om in te stoei: o.11, bo 11 en die junior afdeling wat vir meisies van 18 jaar en ouer is,” vertel sy.
“Ek is egter baie dankbaar vir die ondervinding om teen ouer meisies te stoei,” sê Leanco.
Sy was al voorheen verskeie kere ’n Suid-Afrikaanse kampioen, sy stoei vir die nasionale span en het sedert haar deelname elke jaar haar provinsiale kleure verwerf.
Sy is nie bang vir seerkry nie en gee nie maklik op wanneer sy stoei nie.
Dit is juis hierdie vasberadenheid wat gemaak het dat sy nie lankal opgehou het nie, vertel haar ma, Esmari.
Sy het sowat vyf jaar gelede saam met haar boetie stoeiklub toe gegaan.
Die afrigter, Hansie Kruger, het destyds geweier om haar af te rig, maar Leanco het nie opgegee nie.
“Sy was klokslag elke oefening saam met haar boetie op die stoeimat,” vertel Esmari.
Die afrigter se woorde destyds was: “As ’n meisiekind op my stoeimat stap, stap ek af!”
Leanco se deursettingsvermoë het egter Kruger se weerstand laat verbrokkel en hy is nou ná al die jare steeds by haar afrigting betrokke.
Toe Kruger verlede jaar by ’n klub in Brakpan begin afrig het, is Leanco agterna.
Sy het tot onlangs nog onder die vaandel van Oos-Gauteng gestoei.
Sy en haar broers het onlangs by die Sasol-stoeiklub in Mpumalanga aangesluit nadat Kruger na Nelspruit verhuis het.
Die Stans-huishouding draai ook meestal om stoei. Leanco en haar boeties, Luanco (13), Rico (7) en Wico (6) oefen drie keer per week by die Sasol-stoeiklub op Secunda en daarby oefen Leanco en Luanco ook deur die week saam met die nasionale span in Gauteng.
Saterdae word daar óf geoefen óf aan kompetisies deelgeneem.
Leanco kry slegs kans om teen ander meisies te oefen wanneer sy in Gauteng is, dus moet sy teen seuns oefen wanneer sy klub-oefeninge bywoon.
“Ek gee nie om nie. Dit maak my net sterker,” vertel sy.
Leanco wil eendag aan die Olimpiese Spele deelneem en sy wil ook ’n veearts word.

LeancoStans_Beeld
Foto: johan Rosslee

Read Full Post »

dieburger/2012/12/14

Olimpiese Spele wink vir Villet
KAAPSTAD. – Charles Villet (48) het pas Suid-Afrika se heel eerste stoeiskeidsregter geword wat ’n Olimpiese gradering ontvang het.
Die internasionale federasie vir verwante stoeistyle (Fila) – die internasionale beheerliggaam – het hom onlangs die goeie nuus meegedeel.
“Ek vier dit nou nog. Dit sink nog by my in. Selfs as my vriende bel, sê hulle hulle kan dit nie glo nie,” het Villet, voorsitter van die Suid-Afrikaanse Stoei­skeidsregtersraad vir 2013-’14, gesê.
Hy is nou een van net 62 skeidsregters ter wêreld in die Olimpiese kategorie.
Villet is al jare lank skeidsregter en het as tiener self gestoei. Hy is altesaam 41 jaar lank al by stoei betrokke.
Indien Villet nog tot 2016 sy gradering behou, kan hy in Rio de Janeiro, Brasilië, by die volgende Olimpiese Spele as skeidsregter optree.
“Dit is waarna ’n ou mik. Ek moet nou my gradering behou.” – Richard Roberts
Charles Villet

Read Full Post »

beeld/2012/10/26/

Dolf stoei goud los vir rugby

Aletta Otto

Dolf Rossouw (13) van Middelburg het ’n goue medalje op die Suid-Afrikaanse vrystyl-stoeikampioenskap vir juniors verwerf.
Dolf is ’n leerling aan die ­Laerskool Staatspresident C.R. Swart.
Die kampioenskap is onlangs in Polokwane aangebied.
Dolf het vroeër vanjaar aan die Suid-Afrikaanse Grieks-Romeinse stoeikampioenskap deelgeneem en ook goud verwerf.
Hy is die afgelope drie jaar lid van die Mpumalanga-span.
Sy pa, Steyn, het hom aangemoedig om die sport te beoefen.
“Hy het gesê dit is om my sterk te maak vir rugby en die meeste van my pa se neefs was Springbok-stoeiers. My ma, ­Theresa, glo weer dis die beste sport vir dissipline,” vertel Dolf.
Hy sê die sport is vir hom lekker omdat dit harde werk vereis het en hy begin nou die vrugte pluk.
“Ek glo enige sport verryk jou lewe; nie net met fisieke krag nie, maar ook op emosionele vlak. Ek moes eers leer verloor voordat ek kon leer wen. My pa is my rolmodel,” sê hy.
Sy droom is om ook nasionale kleure te verwerf en Suid-Afrika op die Olimpiese Spele te verteenwoordig.
Dolf speel ook baie goed rugby en beskryf dit as “sy lewe”.
Hy was die afgelope twee jaar in onderskeidelik die o.12- en die o.13-rugbyspan van die Pumas. Hy was vanjaar die enigste o.13-speler wat gekies is om aan die Powerade Man of the Match-reeks by Grey College deel te neem.
“Ek was ook in die Mpumalanga-atletiekspan, wat aan die begin van die jaar in Durban deelgeneem het. Ek beoefen atletiek en landloop en speel hokkie vir my skool se eerste spanne,” sê hy.
Sy stokperdjies sluit jag en visvang in en hy versamel messe.
Sy leuse in die lewe is: “Harde werk maak kampioene en nie goue medaljes nie.”
Dolf Rossouw van Middelburg pronk met sy goue medalje op die Suid-Afrikaanse jeugstoeikampioenskap, wat in Polokwane gehou is.

 

18 October 2012 LookLocalMiddelburg

Gebreekte neus keer Ruben nie

Dolf jou doring! Dié bul van Laerskool C.R. Swart het sy tweede SA-stoeititel (eers Grieks/Romeins, nou vrystyl) ingepalm.

middelburgstoei2012_11

Johann Gresse

Sewe stoeiers en twee beamptes van Middelburg Stoeiklub het aan die SA Jeug Stoeikampioenskap in Polokwane deelgeneem.

Ongeveer 350 stoeiers het mekaar op ses matte aangevat. In sommige gewigsafdelings was daar tot 19 stoeiers wat sake uitgespook het.

Die klub het uitstekend gevaar:

Ruben Roodt het – ten spyte van ’n gebreekte neus in sy eerste kragmeting – ’n brons medalje verower.

In die proses het hy met vorige SA-kampioene afgereken.

Neldi Louw het ’n silwer medalje verower.

Anzelle Davel het as 12-jarige amok onder veel ouer teenstanders gemaak.
Dogterstoeiers kompeteer in gewigklasse en nie volgens ouderdom nie.

Anzelle het vierde geëindig, selfs al het sy teen stoeiers so oud as 23 kragte gemeet.

“Ons is voorwaar trots op elke stoeier van ons klub wat Middelburg se naam só hoog gehou het. Ons is sowaar weer die klub wat goud, silwer en brons huis toe kan bring!” het die klub se Kobus Davel gesê.

“Ons wil ook elke afrigter en mede-stoeimaat bedank vir hul harde werk en opoffering met die voorbereiding vir die SA’s.”

Uitslae:
Dolf Rossouw: goud
Neldi Louw: silwer
Ruben Roodt: brons
Anzelle Davel: vierde plek
Dohan Davel: vyfde plek
Rayn Viljoen: agtste plek
JP Louw: Nie geplaas nie.

 

 

Read Full Post »

Wrestling results for june till September

Stoei uitslae van junie tot september

Winter Ope 16-06-2012

Kadette en senior kampioenskappe 30-06-2012

Nico Visser 21-07-2012

Johnnie Reitz  04-08-2012

Noord Gauteng Jeug 08-09-2012

S.A.Streek 22-09-2012

S.A.Presidente 05/06-10-2012

Read Full Post »

volksblad/2012/08/09

Oudstoeier wat goud wen, sterf in sy slaap
Gerhard Pretorius
PRETORIA. – Een van Suid-Afrika se bekendste Springbok-stoeiers is op 83-jarige ouderdom in sy slaap dood.
Oudgenl.maj Manie van Zyl is volgens sy broerskind, Tom van Zyl, Sondagnag op sy plaas naby Vaalwater in Limpopo in sy slaap dood.
Van Zyl was die kaptein van die Springbok-stoeispan wat in 1960 aan die Olimpiese spele in Rome, Italië, deelgeneem het.
Volgens Lappe Laubscher, ’n sporthistorikus, was Van Zyl een van die groot legendes in stoeikringe.
Laubscher het gesê Van Zyl, ’n ligswaargewigstoeier, was die eerste stoeier van Suid-Afrika wat agtereenvolgende goue medaljes op die Statebondspele in 1954 en 1958 verower het.
Hy was ook in die legendariese Springbokspan van ses stoeiers wat op dié Spele in 1954 in Vancouver, Kanada, ses goue medaljes huis toe gebring het.
“Ek het Manie persoonlik geken en groot bewondering vir hom gehad.
“Hy het ongelooflik hard geoefen en ek dink ’n mens kry nie meer sulke stoeiers vandag nie.
“Solank daar stoei in dié land is, sal die legende van Manie van Zyl voortleef,” het Laubscher gesê.
“Ons het ’n groot deel van Suid Afrika se sportgeskiedenis verloor.”
Gert Potgieter, die oud-Olimpiese hekkiesatleet wat saam met Van Zyl aan die Olimpiese Spele in 1956 in Melbourne, Australië, deelgeneem het, het gesê sy dood is ’n groot verlies vir stoei in Suid-Afrika.
“Hy was ’n fiksheidsfanatikus wat ongelooflike lojaliteit en integriteit gehad het,” het Potgieter gesê.
Van Zyl het gesê sy oom was ’n wonderlike mens wat lojaal was aan sy familie, vriende en sy sport.
Hy het gesê sy oom het in die 1980’s uit die polisie getree en naby Vaalwater met beeste begin boer.
Hy is lewenslange erelid van die SA Stoeifederasie en sy naam is ook vanweë sy sportprestasies in die Suid-Afrikaanse sportroemsaal in Port Elizabeth verewig.
Hy laat sy vrou, Lief (78), vier kinders en sewe kleinkinders agter.
Van Zyl se begrafnisdiens sal vroeg volgende week in die NG kerk Vaalwater gehou word.

maj Manie van Zyl
Die oud-Springbok stoeier Manie van Zyl (83), wat Sondagnag in sy slaap dood is.

Read Full Post »

For those that are interested in a live feed from the olympic games ….especially wrestling here is a link

I don’t know if it’s available in all countries , It sure is in europe.

Vir die wat belang stel hier is ‘n link naar ‘n ‘live feed’ van die olympiese spele in London

Ek weet nie of dit mens dit ooral kan sien nie , dis wys in europa en die kwaliteit is goed beter as vier jaar terug in Beijing

Ek weet ook nie hoe ‘n mens ‘live feed’ in afrikaans vertaal nie , misskien lewendige stroom maar dit klink nie reg nie…Enige idee ??

 

 

Read Full Post »

« Newer Posts - Older Posts »

Follow

Get every new post delivered to your Inbox.

Join 271 other followers

%d bloggers like this: